तिलक थापा भोजपुरेको कविता : मौरी

हेर्दा सानो झिंगा प्रजातिको लगनशील हुन्छ मौरी । गर्दछ जम्मा घुमेर फूलबारी रस झिक्ने नानाथरी । खोजेर घार लगाउने छन चाका गर्नेछन बचत पनि । सदुपयोग गर्छ समयको हेर्छ भविष्य पनि । बसेर खालि समय यिनले फाल्दैनन् खेर कति । बटुलेर मधुरस राख्ने छन जतिसक्दो भेटेको जति । हेर्नुस् सबैले काम यिनको मेहनत कति हो कति । मेलमिलाप हुन्छ यिनमा लडाइँ झगडा गर्दैनन एकरत्ति । मौरी मेहनती अति हुने हुदा मानिसहरूले पनि । यसकै कमाइ मौरी पालना ब्यबसाय खोलेका अनि । मौरी को कमाइ बटुलेर कतिले राम्रो आम्दानी गरे । मौरी बाट हरेक पाठ सिक्नु पर्ने त्यसमा पछाडि परे । सबै प्रणिहरु भन्दा मानिस चेतनशील पक्कै हो नि । पर्दैछ बिकासमा पछाडि सानो झिंगाले जति नबुझेर अनि । हेरौं मौरी लाई सबैले फाल्नु घमण्ड भएको जति । गरौं एकजुट भएर बिकास सहजै हुनेछ सोचेको जति । तिलक थापा अरुण गाउँपालिका वडा नं ७ मैदाने भोजपुर