स्थानीयबासीबाट गुणस्तरहिन निर्माण कार्य बन्द, टंकीमा कान्छाराम कन्सट्रक्सन निर्माण सेवाको ठेकेदार भागे

सुनिता अर्याल बिराटनगर । रानी– धरान सडकखण्ड अन्तरगत टंकीसिनवारी चोक छेउ पश्चिम साइडमा बनाइदै गरेको पक्की नाला गुणस्तरहिन भएको भन्दै स्थानीयबासीले सो साईड भत्काइदिएका छन् । कान्छाराम कन्सट्रक्सन निर्माण सेवाले बिराटनगर बरगाछि देखि बुढिगंगा गाउपालिकाको निमुवा चोक सम्मको निर्माण गर्ने जिम्मेबारी पाएको हो । छ– लेनको सडकको दायांबायां ढल सहित नाली निर्माण गर्दै आएको सो निर्माण सेवाले साईडमा गुणस्तरहिन सामाग्री प्रयोग गर्दे आएको नेपाली काग्रेसका नेता जितु थापामगरले बताए । हामीले पहिले देखि नै भन्दै आएका थियौ तर ठेकेदारले टेरेन, यसमा सडक डिभिजनका इन्जिनियरको पनि हात रहेको नेता थापामगरले बताए । नालाको ढुंगा जोडाई गर्दा समेत बालुवाले लिपेर जोडिएको छ, सिमेन्टको मात्र नै छैन, साथै पानी त कहिलेै पनि हालेको देखिएन यस्तो अबस्थामा अब हामी टुलुटुलु हेरेर बस्न सक्छौ तसर्थ हामीले जोडिएको र प्लाष्टर गरिएको सबै भत्काईदिएको हो । सांसदको टोलीले समेत आएर हेर्नु भएको छ । कार्बाही गर्ने र ठेकेदारलाई नै पक्रेर हिरासतमा पुराउने कुरा आएको हुनाले स्थानीयबासीहरु चुप लागेर बसेका छन् । नत्र कान्छारामका मान्छेलाई हामीले छोडनेवाला होइनौ– नेता थापामगरले बताए । मिस्त्रीहरुले बालुवाले मात्र लिपेको स्थानीयबासीले थाहा पाए पछि ठेकेदार भागेका छन् । स्थानीयहरुले बालुवाले मात्र लिपेर जोडाई र प्लाष्टर गर्दे गरेको देखाउदै ठेकेदार प्रकण प्रहरी तथा स्थानीय प्रशासनलाई गुहार मागेको नेता जितु थापामगरले बताए । ठेकेदार मात्र यसमा दोषी होइन सडक डिभिजनको इन्जिनियरलाई समेत प्रकाउ गर्नु पर्ने स्थानीयको माग छ । प्रदेश संसदीय दलका बिपक्ष नेता सांसद केदार कार्कीको टोलीले निरीक्षण समेत गरेको छ । सिमेन्टनै नमिसाई वालुवाले मात्र ईट्टा जोडाइ गर्दे गरेको भेटिए पछी निर्माणमा सम्लग्नहरुलाई प्रशासनीक कारवाहीका लागी संसदमा आवाज उठाउने साथै लापरवाई गर्नेलाई सजायको भागी बनाउनु पर्ने प्रदेश सांसद कार्कीले बताएका छन् । विकासको काममा चरम लापर्वाही भएको देखिएपछि स्थानीयहरुले काम रोकेका छन् । पटक पटक वरगाछी देखि टंकी सम्मको भागमा गुणस्तरहिन काम र हरेक विकासमा ढिलाई भएको छ ।