मधेश प्रदेशमा कर्मचारीहरु सहित सुरुक्षाकर्मीहरु कुटिए. बर्दी च्यातिए, सार्बजनिक सम्पति फुटाइए अनि मधेश स्वायत्तको नारा

बिराटनगर । मधेश प्रदेशमा मुख्यमन्त्री नियुक्तिको विषयलाई लिएर असन्तुष्ट दलका नेता–कार्यकर्ताहरुले पुलिस र कर्मचारी माथि नै निर्घात कुटेका छन् । जनकपुरमा रहेको मधेश प्रदेशको मुख्यमन्त्रीको कार्यकक्षमा रहेका कर्मचारीमाथि कुटपिट भएको छ । गेटमा रहेका सुरुक्षाकर्मीहरुको लुगा त्यातिदिएका छन् भने सशस्त्र प्रहरीलाई धकेलेर उपल्लो भित्तामा पुराएको भिडियो सोसियल मिडियामा सार्बजनिक भएको छ । मधेश प्रदेशका उपसचिबले आफनो र मातहतका कर्मचारीहरुको ज्यान जोगाउन उनीहरुलाई घर जानुहोस् समेत भन्नु पर्ने बाध्यता परेको देखिन्छ । उनै उपसचिबको भनाई यस्तो रहयो– मुख्यमन्त्रीको कार्यकक्ष गृह सञ्चार तथा कानुन मन्त्रालयमा राखिएको छ । मुख्यमन्त्रीको कार्यालय अर्को ठाउमा छ । सांसद र कार्यकर्ताहरु आउनुभएको थियो, त्यहँ गएर भित्र तोडफोड पनि भयो । एकदुई जना कर्मचारीलाई हातपात समेत भयो,’ उनले भने, ‘सचिवज्यूहरु आइपुग्नु भएको थिएन, उप सचिवको हैसियतले सबै कर्मचारीलाई आफ्नो सुरक्षा गर्न घर जानुस भनेर पठाइदिए ।’तोडफोडमा उत्रिएको समूहबाट एक पुरुष कर्मचारीले रेकर्ड फाइल जोगाउन खोजेको एउटा भिडियोमा देखिन्छ । तिनै कर्मचारीमाथि भिड जाइलाग्छ । उनको टाउकोमा र कुममा आवाज सुनिने गरी कार्यकर्ताले हिर्काएका छन् र उनी दुखो आईया भन्दै सुरुक्षा गर्न भनेर लगेको कम्प्युटर समेत छोडेर हिडनु परेको दृश्य देखिएको छ ।