सरकारी विद्यालयको कम्पुटर शिक्षकको घरमा

मोरङको भौडाहा गाबिस–१ मा अवस्थित सुन्दर नि.मा.बि.का लागि जिल्ला शिक्षा कार्यालय मोरङले दिएको दुई थान कम्पुटर शिक्षकको घरमा प्रयोग गर्ने गरेको भेटीएको छ । सो विद्यालयका निमीत्त प्रधानाध्यापक दिपक ढुङगेलका अनुसार विद्यालयमा सो कम्पुटर चोरी हुने डरले शिक्षा कार्यालयले दिएको दुई वटा कम्पुटर शिक्षक सुनिल कुमार मुडीयारीको घरमा राखीएको हो । शिक्षक मुडीयारीका घरका सदस्यहरुले विद्यालयको कम्पुटर प्रयोग गर्ने गरेको पाइएको छ । सो विद्यालयका प्रधानाध्यापक सिध्यानन्द सरदार र निमीत्त प्रधानाध्यापक दिपक ढुङगेल विचको आर्थिक बिवादले पोल खोला खोल भए पछी सो रहस्य खुलेको हो । जिल्ला शिक्षा कार्यालय मोरङले सो विद्यालयका विद्यार्थीलाई पढाउन प्रति कम्प्युुटर रु. ५० हजार पर्ने विद्यालयलाई उपलब्ध गराएको थियो । शिक्षक सुनील कुमार मुडीयारीले विद्यालयमा कम्पुटर चोरी हुने डरले मैले आफनै घरमा लगेर कम्पुटर राखेको छु तर मेरो कुनै लुकाउने मनसाय भनि होइन् । जिल्ला शिक्षा कार्यालय मोरङले यस विषयमा कुनै प्िरतक्रिया जनाएको छैन । जिल्ला शिक्षा कार्यालय मोरङका विद्यालय निरीक्षक बलराम पराजुलीले सो विषयमा बिद्यालय संग बुझेर मात्र बताउने भन्नु भयो