वराहक्षेत्र । वराहक्षेत्र नगरपालिकाले संविधान दिवसको अवसरमा रक्तदान कार्यक्रम आयोजना गरेको छ । चक्रघट्टी स्थित नगरपालिकाको कार्यालय परिसरमा आयोजना भएको रक्तदान कार्यक्रममा ६९ पिन्ट रगत संक्कल भएको नगरपालिकाका प्रशाशन शाखा प्रमुख मातृका तिवारीले जानकारी दिए ।
शुक्रवार बिहान नगरपालिकाको आयोजना र नेपाल रेडक्रश सोसाईटी सुनसरीको प्राबिधिक सहयोग तथा समनव्यमा उक्त रक्तदान कार्यक्रम आयोजना भएको थियो । नेपाल रेडक्रस सोईसाटीको रक्त संचार केन्द्रमा रगतको अभाब भई रहेको र यसले विरामिहरुलाई समस्या बनाई राखेको हुदा रक्त दान जीवन दान भन्ने मुल नारालाई आत्मसाथ गरि नगरपालिकाले विगतमा बर्षहरुमा जस्तै संविधान दिवसको अवसरमा रक्तदान कार्यक्रम आयोजना गरिएको नगर प्रमुख रमेश कार्कीले बताए ।नगरपालिकाले बर्षमा दुई पटक संविधान दिवस र नगरपालिकाको स्थापना दिवसको अवसर पारेर रक्तदान कार्यक्रम आयोजना गर्दै आएको छ ।रक्तदान कार्यक्रममा नगर प्रमुख रमेश कार्की , उप प्रमुख नन्दकुमारी सुनुवार , प्रमुख प्रशासकीय अधिकृत राधिका गिरि, वडाध्यक्षहरु , कार्यपालिका सदस्यहरु , स्थानिय संघ , संस्थाका प्रतिनिधि , समाजिक अगुवा , कर्मचारी, विद्यार्थी , शिक्षक लगायतका सङ्घ संस्थाका प्रतिनिधिहरूको सहभागिता रहेको थियो ।
नगरपालिकाले संविधान दिवसको अवसरमा रक्तदान, वक्तित्वकला, दिप प्रज्वलन , दौड प्रतियोगिता लगायतका ३ दिवसिय कार्यक्रम आयोजना गर्ने तय गरेको थियो ।
