बिराटनगर । न्युरो कार्डियो एण्ड मल्टिस्पेशियलिटी हस्पिटलले विश्वभर मार्च २६ का दिन मनाइने 'पर्पल डे' --विश्व छारे रोग सचेतना दिवसको अवसरमा एक भव्य जनचेतनामूलक र्याली सम्पन्न गरेको छ।
अस्पतालका अध्यक्ष एवं वरिष्ठ न्युरोलोजिस्ट डा. वीरेन्द्र कुमार विष्ट, अपरेसनल डाइरेक्टर राजेश भट्टराई र वरिष्ठ न्युरोलोजिस्ट डा. सुनन्द पौडेलको विशेष नेतृत्वमा सम्पन्न यस र्यालीमा ३०० भन्दा बढी डाक्टर, कर्मचारी र न्यूरो हेल्थ कलेजका विद्यार्थीहरूको उत्साहजनक सहभागिता रह्यो। बैजनी रङको टी-सर्ट र सचेतनामूलक प्लेकार्डसहित बिराटनगरका बिभिन्न चोक र बजार परिक्रमा समेत गरेको थियो । 
समाजमा छारे रोगबारे व्याप्त भ्रम र अन्धविश्वासलाई चिर्नु नै यस र्यालीको मुख्य उद्देश्य रहेको अस्पतालका अपरेसनल डाइरेक्टर राजेश भट्टराईले बताउनु भयो । छारे रोग उपचार सम्भव भएको मष्तिष्कको एक अवस्था हो।
छारे रोग भएका व्यक्तिहरूलाई माया र सम्मान गरौँ। भन्ने जस्ता नारा र स्लोगान भएको प्लेकार्डले समाज परिबर्तनको लागि रोल खेल्ने काम गर्ने अस्पतालका अपरेसनल डाइरेक्टर राजेश भट्टराईले बताउनु भयो ।
