बिराटनगर, २१ माघ – गृहमन्त्री ओमप्रकाश अर्यालसँग संयुक्त राष्ट्र सङ्घीय लागुऔषध तथा अपराध नियन्त्रण कार्यालय (यूएनओडीसी) का दक्षिण एसिया क्षेत्रीय प्रतिनिधि क्रिस्टियन होल्जले भेट गरेका छन्।
शिष्टाचार भेट भनिएपनि यो चुनाबी समयमा गृहमन्त्री संग भेट हुनुलाई संकासपदरुपमा हेरिएको छ ।
भेटमा गृहमन्त्री अर्यालले नेपालमा लागुऔषध नियन्त्रण लगायतका क्षेत्रहरूमा यूएनओडीसीले प्रदान गरेको सहयोगको लागि धन्यवाद व्यक्त गर्दै, संगठनसँगको सहकार्य अझै सुदृढ गर्न सकिने विश्वास व्यक्त गरे। उनले आगामी दिनमा यूएनओडीसीसँगको सहकार्यलाई थप विस्तार गर्नका लागि सरकारको प्रतिबद्धता पुनः व्यक्त गरे।
यूएनओडीसीका क्षेत्रीय प्रतिनिधि क्रिस्टियन होल्जले नेपाल सरकारसँगको सहकार्यलाई निरन्तरता दिने कुरा दोहोर्याउँदै, नेपाल सरकारले कार्यक्रम सञ्चालनमा प्रदान गरेको सहयोग र तदारुकताको प्रशंसा गरे।
शिष्टाचार भेटमा गृह मन्त्रालयका नीति, योजना अनुगमन तथा मूल्यांकन महाशाखा प्रमुख, परराष्ट्र मन्त्रालयका प्रतिनिधि, र यूएनओडीसी नेपालका प्रतिनिधिहरूको सहभागिता रहेको थियो।
