फेसबुक लाइकले मानसिक समस्या निम्त्याउने

सामाजिक सञ्जाल फेसबुकमा लाइक गर्न र स्टाटस राख्न तपाईको मानसिक र शारीरिक स्वास्थको लागि धेरै नै हानीकारक हुन सक्छ । यो तथ्य एक नयाँ अध्ययनबाट अगाडी आएको हो । अमेरिकाको सान डियागो स्थित क्यालिफोर्निया विश्वविद्यालयको एक सहायक प्रोफेसर होली सक्या र उनका सहयोगीहरुले करिब ५२ सय मानिसहरुमा तीन चरणमा गरेको एक अध्ययनबाट तथ्याङ्क जम्मा गरेका थिए ।अध्ययनमा सामेल भएका मानिसहरुले शोधकर्ताहरुलाई आफ्नो फेसबुकका तथ्याकङ्हरु हेर्ने अनुमति दिएको थिए । अध्ययनमा समावेश मानिसहरुको औसत उमेर ४८ वर्ष थियो । अध्ययनमा सामेल भएका मानिसहरुको मानसिक र शारीरिक स्वास्थलाई एक देखि चार स्केलसम्म र जीवन सन्तुष्टतालाई एक देखी १० स्केलसम्म राखिएको थियो र उनको बडी मास इन्डेक्स (बिएमआई) सङ्ख्या पत्ता लगाइएको थियो । लाइव साइन्सेज ले खबर दिएको छ किजो मानिस धेरै लाइकको चक्करमा रहन्छ उनीहरुको स्वास्थमा धेरै नराम्रो असर पर्छ । शोधकर्ताले पत्ता लगाए कि जो मानिसहरु आप्नो फेसबुक स्टाटस अपडेट गर्छन उनीहरुको औसत रुपमा आफ्नो स्टाटस अपडेट गर्ने वालाको तुलनामा मानसिक स्वास्थमा धेरै असर पर्छ ।शोधकर्ताहरुले भनेका छन् कि समयसँगै यी समस्याहरुमा बढोत्तरी हुन्छ र उनीहरुले यो पनि सल्लाह दिएका छन् कि यस खालका मानिसहरु जसको स्वास्थ खराब छ उनीहरुले आफ्नो फेसबुक बन्द गर्नुपर्छ किनभने फेसबुकको प्रयोगले स्वास्थलाई झनै खराब गर्न सक्छ ।