बिकृतिमा चुर्लुमै डुबेको युवा राष्ट्रको खम्बा हुन सक्दैन–संघका प्रदेश नं.–१ का प्रमुख चौधरी

बिर्तामोड । झापा विश्व शान्ति तथा एकीकृत परिवार संघ झापाले बिर्तामोडमा ३ दिने पुर्णकालिन सदस्यहरुलाई ३ दिने नेतृत्व बिकास तालिम सम्पन्न गरेको छ । तालिममा सहभागिहरुले देश बिकासमा युवाहरुको भुमिका तथा बिकाश वृद्धिका लागि युवामा नैतिकता, पबित्रता , जिम्मेवारी र नेतृत्व बिकाश हुने उदेश्यले संचालन गरेको संघका केन्द्रिय सदस्य तथा तालिमका प्रमुख प्रशिक्षक पाईनियर लिडर अशोक कुमार चौधरीले बताउनु भयो । उक्त तालिममा संघका मेची सयोजक राजेन्द्र मुर्ति पन्तको अध्यक्षतामा भएको थियो । यसै गरी कन्काई क्याम्पसका सस्थापक केदार धुङ्गानाको प्रमुख आतिथ्य रहेको थियो भने दमकका समजसेवि एवं शान्ती दुत मोहन पाण्डे र श्रीमती ध्रुब पान्डेको बिशिस्ट आतिथ्य रहेको थियो । अन्य प्रशिक्षकहरु लोक बहादुर गिरि , अम्बिका पराजुली र राम बहादुर रहेका छन् । ३ दिने तालिममा लेटाङ, धरान, बिर्तामोड , दमकबाट सहभागिता रहेको छ । युवाहरुमा देखिएको विभिन्न बिकृती हरु दुब्र्यसनी, अनैतिक यौन, कलिलो उमेरमा गर्वधारण, अपराधीक कृयाकलापमा सम्लग्न बढी भन्दा बढी हुने गरेकोले युवाहरुलाई देश निर्माणका लागि अधारशिला बनाउने र बलियो शक्तिका रुपमा देखा परोस भन्ने हेतुले यो तालिम संचालन गरेको प्रदेश नं. १ का प्रमुख अशोक कुमार चौधरीले बताउनु भयो । समाजमा सिकाउने मानिसको आबश्यक्ता छ त्यसैले हामी युवा पहिला सिकौ र समाजमा सकारात्मक परिवर्तनका लागि योग्य जनशक्ति निर्माण गर्ने उदेश्य रहेको जानकारी कार्यक्रमका सयोजक राजेन्द्र पन्तले दिनु भयो । उक्त कार्यक्रमको सहजीकरण राम बहादुर लिम्बूले गर्नु भएको थियो ।