हाडजोर्नीको ८० प्रतिशत समस्या जीवनशैलीले निम्त्याउदै

एन्जु शिवाकोटी, विरनटनगर । बदलिँदो जीवनशैली र नमिल्दो खानपानका कारण पछिल्लो समय हाडजोर्नी सम्बन्धी समस्या दिनप्रतिदिन बढ्दै जान थालेको छ । यदि तपाईँको दैनिकी विहान अवेरसम्म सुत्ने, सन्तुलित खानामा ध्यान नदिने, शारीरिक व्यायम कम गर्ने गर्नुहुन्छ भने तपाईँ हाडजोर्नी बिरामसम्बन्धी जटिलसमस्यामा पर्दै हुनु हुन्छ । हाडजोनी सम्बन्धी समस्या बुढाबुढी, जवान, केटनकेटी सबैमा देखा पर्ने समस्या दिनप्रतिदिन बढ्दै जादै छ । हाडजोर्नी दुख्ने समस्यालाई हाम्रो समाजमा सामान्य समस्याका रुपमा लिने गरिन्छ । तर, वास्तवमा हाडजोर्नी सम्बन्धी समस्या जटिल समस्या हो । जसका कारण समयमा नै उपचार नहुँदा प्यारालाइसिस भएर मानिसहरु ओछ्यानमा नै थलित हुन पुग्छन् । शरीरको हड्डी कम्जोर हुने, ढाड तथा जोर्नी दुख्ने, मोटोपन बढ्ने, घँुडा दुख्ने जस्ता समस्याहरु गलत जिवनशैलिका कारण देखा पर्नेगर्छ । फिजीयोथेरापी डा. रिसव गौतम भन्छन्,‘हड्डीमा एक प्रकारको तरल पदार्थ हुर्ने गर्दछ । शारीरिक व्यायमको कमी तथा सन्तुलित आहार नहुँदा तरल पदार्थ कम हुँदै जान्छ र हाडजोर्नी सम्बन्धी समस्या उत्पन्न हुन थाल्दछ ।’ कमजोर हाडजोर्नीका कारण पलेटी कसेर बस्न नसक्ने, धेरै काम गर्न नसक्ने, ज्यादा थकाइको महशुस हुने जस्ता समस्या देखा पर्ने गौतमले बताए । उनी भन्छन्,‘हाड भनेको यस्तो कुरोहो जसको जसको जति प्रयोग ग¥र्यो त्यती नै बलियो बन्दै जान्छ । त्यसका लागि सन्तुलित आहारमा अत्यन्त ध्यान दिन जरुरी छ ।’ विश्व स्वास्थ्य संगठनको तथ्याकं अनुसार ढाड तथा गर्धन दुख्ने र हाडजोर्नी सम्बन्धी ८० प्रतिशत समस्या हाम्रो दैनीक जीवनशैलिकै कारण देखा पर्ने गरेको पाइन्छ । नोवेल मेडिकल कलेजका फिजियोथेरनपी डा. प्रनय यादव भन्छन्,‘पहिला ४० देखि ५० जना हाडजोर्नी सम्बन्धी समस्या लिएर बिरामीहरु आउने गर्दथे भनी हाल दैनीक १ सय भन्दा बढी बिरामी आउने गरेका छन् ।’ समस्या लिएर उपचारका लागि आउने अधिकांश बिरामीहरु लामो समयसम्म उभिएर काम गर्ने, मोबाइल तथा कम्प्युटरको बढी प्रयोग गर्ने, लामो समयसम्म मोटरसाइकलमा नियमित रुपमा यात्रा गर्ने मानिसहरु आउने गरेको डा. यादवले बताए । प्राय यस्तो समस्या लिएर युवावर्गका बिरामीहरु आउनेगरेको उनको भनाइ छ । हाल हाडजोर्नी समस्या लिएर आउने बालबालिकाहरुको संख्या बढ्न थालेको डा.यादवले बताए । पढाइको धेरै मानसिक तनाव, भारी झोला उठाउने, लामो समयसम्म निहुरेर किताब हेर्ने, अग्लो सिरानी लगाएर सुत्ने बालबालिकाहरुमा बढी समस्या देखा परेको उनले बताए । शारीरिक क्रियाकलाप कम हुनु, जंकफुड बढी खानु, धूम्रपान गर्नु हाडजोर्नी सम्बन्धी बिरामीका कुख्य कारकतत्व हुन् । यस्ता समस्याहरुको उपचार समयमा न गर्दा यसले विकराल रुप लिन सक्ने विशेषयज्ञहरु बताउछन् ।