ट्राफिक नियमको बास्तै नगरी सवारी सञ्चालनमा

एन्जु शिवाकोटी, विराटनगर । विराटनगर स्थित बसपार्कबाट ट्राफिक नियमको बास्तै नगरी सवारी सञ्चालन हुदै खाएका छन् । जिल्ला ट्राफिक प्रहरी कार्यालय मोरङका प्रमुख ट्राफिक प्रहरी निरिक्षक चन्द्रबहादुर खड्काले ट्राफिक नियमको उल्लङघन गरि सवारी साधन सञ्चालनमा आएको भेटीएमा कारवाहि गर्ने भन्दै आएता पनि ट्राफिक नियम लागु हुनसकेको छैन । सफारी तथा बस चालकहरुले नो पार्किङ भनेकै ठाउँमा सवारी रोक्ने तथा यात्रुहरु चढाउने गरेका छन् । बस पार्क देखि बरगाछी सम्मको दुरीमा सिमित क्षेत्रमा मात्र पार्किङ गर्न पाइने व्यवस्था भएता पनि सवारी साधनहरु जथाभावी रुपमा सवारी चालकहरुले सवारी रोक्दै आएका छन् । तीन बर्ष देखि विराटनगर देखि इनरुवा लाइनमा बस चलाउदै आइरहेका रमेश चौधरीले गरीखान नदिएको भन्दै आरोप लगाए । उनी भन्छन् – ‘उचित व्यवस्था ल्याएमा कसले नियमको पालना गर्दै न र यो हामीलाई दुःख दिएर पेट भर्ने षडयन्त्र मात्र हो ।’ कञ्चनबारी देखि रोडशेष सम्म हिनेका ६७ बर्षिय हरिराम खनाल भन्छन् – ‘सबै राजनीतिक चलखेल मात्र हो हामिलाई मुर्ख बनाएर आफ्नो दुनो सोझयाउने काम मात्र हो ।’ खनालको जस्तै पाञ्चाली चोकमा घर भएकी ५९ बर्षिय रमा बरालको गुनासो रहेको छ । इटरी देखि घर फर्कने क्रममा उनी बस पार्क उक्रिएकी थिइन् । उत्रने भनेको ठाउँबाट पर लगेर बस चालकले बस रोकेकोमा उनी आक्रोशित भइन् । नो पार्किङ ट्राफिक नियम लागु भएता पनि सहि तवरले यसको कार्यन्वयन हुन सकेको छैन । उचित ट्राफिक नियमको कमिले हो या त चेतनाको कमिले । यस बारेमा एक चोटी सोच्नै पर्ने देखिन्छ । ट्राफिक प्रहरी कार्यालयले सवारी दुर्घटना न्यूनिकरण गर्न र सडक सुशासन कायम गर्ने उद्देश्यले जनचेतना मुलक कार्यक्रमहरु बेला बेला ल्याउने गरेको छ । तर ट्राफिक नियम लागु भएमा मात्र हुदैन त्यसको पालना पनि गर्नु जरुरी छ । जथाभावी रुपमा सवारी पार्किङ गर्ने, ओभरटेक गरेर सवारी कुदाउने तथा मनलाग्दि रुपमा बाटो काट्ने प्रविधिले पनि दुर्घटना हुने गरेको छ । ट्राफिक व्यवस्था राम्रो छैन भनेर भनी रहदा हामीले कति जिम्मेवार भएर ट्राफिक नियमको पालना गरिरहेका छौं भन्ने कुरालाई हरेक व्यक्तिले सोचेर नियमको पालना गर्ने हो भनी सवारी दुर्घटना न्यूनिकरण हुन्यो की ? प्रदेश १ ट्राफिक कार्यलयको तथ्याङक अनुसार सडक दुर्घटनाबाट आर्थिक बर्ष २०७५÷७६ मा ३ सय ७३ जना, ७६÷७७ मा ३ सय ३२ जना, ७७÷७८ मा ४ सय ४४ जना र चालु आर्थिक बर्षको मंसिर महिना सम्ममा २ सय १४ जनाको ज्यान गएको छ ।