विराटनगर । हरेक क्षेत्रमा विश्वास आवश्य छ । चाहे त्यो राजनितिक क्षेत्रमा होस्, या त व्यापार व्यवसाय । व्यवसायमा अझ बढी हुनु पर्छ तर त्यही विश्वासले गरिएको व्यवसायमा गद्दारी गर्नेको कमी देखिदैन् । यस्तै एक घटना विराटनगर–५ का तेजबहादुर खड्कासँग पनि घटेको छ ।
नोवेल गेट अगाडीको श्री देवराज सप्लायर्सका सञ्चालक रहेका तेज बहादुर खड्काले केही दिन अगाडी यूनिसा फार्मेसी सञ्चालकबाट एउटा चेक लिएका थिए ।
यूनिसा फार्मेसीका सञ्चालक राजकुमार चौधरी थारुले श्री देवराज सप्लायर्सलाई रकम भुक्तानी गर्नु पर्ने थियो । जसले गर्दा चौधरीले ६० हजारको एनएमबि बैकको चेक तेजबहादूरको नाममा दिएका थिए । उक्तचेक बाउन्स् भएपछि पूणः चौधरीले ७८ हजारको चेक खड्कालाई दिए । चेक लिएर एनएमबि बैक पुगेका खड्का चौधरीको खातामा शुन्य मौज्दात रहेको पाएपछि फर्किएका थिए ।
यता चौधरीले आफूलाई डर त्रास देखाई खालि चेकमा हस्ताक्षेर गर्न लगााएको भन्दै चेक रोक्का गरिपाऊँ भनेर बैंकलाई निबेदन हालेको बै.क इन्चार्ज चेतनाथ श्रेष्ठले जानकारी दिएका छन् । हिजो आइतबार आफूलाई जालसाझ गरि फसाउन खोजिएको भन्दै छानविनको माग राख्दै मोरङ जिल्ला प्रहरी कार्यलयमा खड्काले निवेदन बुझाएका छन् ।
विराट खबरसँग कुराकानी गर्दै पाउनु पर्ने रहम नपाएका खड्काले आफूमाथि आरोप लागेको बताएका छन् । आज यसरी म माथि आरोप लाउन सक्ने व्यक्तिले भोलि जे पनि गर्नसक्ने भएकाले छानविन गर्नको लागि र म जस्तै अरुलाई पनि यस्तो आरोप नलागोस् भनेर प्रहरी कार्यालयमा निवेदन पेस गरेको उनले जानकारी दिएका छन् ।
