वीपि प्रतिष्ठानको आन्दोलन अर्थहिन

एन्जु शिवाकोटी, धरान । वीपि कोइराला स्वास्थ्य विज्ञान प्रतिष्ठान धरान अस्पतालमा लामोसमयदेखि भइरहेको आन्दोलन अर्थहिन भएको स्थानियले बताएका छन् । उपकुलपति ज्ञानेन्द्र गिरी, रजिस्टार मोहनचन्द्र रेग्मी, शिक्षाध्यक्ष गुरु खनाल र अस्पताल निर्देशक गौरी शंकर साहको बर्खास्तको एजेण्डा अघि सार्दै संघर्ष समीतिले लामो समयदेखि आन्दोलन गर्दै आइरहेको छ । यसरी बर्खास्तको माग गर्दै प्रतिष्ठानका पदाधिकारीहरुले नै आन्दोलन उचित नहुन बुद्घिजीविहरुको भनाई छ । प्रतिष्ठानका पदाधिकारीहरुले पदीय जिम्मेवारी पुरा नगरे पदमुक्त अथवा बर्खास्त गर्न माग राख्दै संघर्ष समितिले कार्तिक २६ गते प्रधानमन्त्री देउवालाई प्रतिवेदन बुझाएको थियो । तर प्रतिष्ठानमा यसरी आन्दोलन गर्न नमिल्ने भन्दै प्रदानमन्त्री देउवाले आन्दोलन नगर्न आग्रह गरेका छन् । पटक पटक आन्दोलन गरी अस्पतालमा बन्द गर्ने, कामकाज रोकेर आन्दोलन गर्नुको कुनै औचित्य छैन । यसरी बेला बेला हुने आन्दोलनका कारण विरामीहरु मार्कामा परेका छन् । इटहरी – ५ बाट टाउको दुख्ने समया भएर उपचारका लागि गएका रमेश राईले समयमा उपचार पाउन सकेनन् । ‘वीपि प्रतिष्ठानमा उपचार गराउन जान आजभोलि गाह्रो छ । मैले धेरै दुःख पाएको छु । उनीहरुको आपसि आन्दोलनले गरेर मैले समयमा उपचार पाउन सकिन ।’ उनी मात्र हैन जनरल वार्डमा जचाउन जाने बिरामीले कतिपय उपचारको लागि महिना दिनसम्म पनि कुर्नु परेको गुनासो गरेका छन् । वीपि प्रतिष्ठान ४ सय बिगाह क्षेत्रफलमा फैलिएको छ । प्रतिष्ठानको १५ हजार भन्दा बढी मानिस बस्छन् । उनीहरुले खानेपानि र बिजुलीको महसुल नै मासिक करोड रुपैयाँ हुने गर्छ । प्रतिष्ठानमा डेढ सयभन्दा बढी गार्ड छन् । उनीहरुका लागि वार्षिक तीन करोड प्रतिष्ठानले तिर्ने गरेको छ । अस्पताल बाहिरको क्षेत्र, क्वाटर, छात्रावासको सफाइका लागि वार्षिक अढाइ करोड जति खर्च हुने गर्छ । यो अस्पतालमा काम गर्ने चिकित्सकले बाहिर गएर बिरामी जाँच गर्न नपाउने भएकाले उनीहरुलाई बढी तलब दिनु परेको बताउँछन् अस्पताल निर्देशक गौरीशैकर साह । ‘उनीहरुले आवास पाउने सेवा सुविधामा हुने खर्च पनि तुलनात्मक रुपमा बढी छ । प्रतिष्ठानको खर्च ठूलो भएता पनि सरकारले स्वायत्त भनेर बजेट दिँदैन । प्रतिष्ठानको बजेट कति छ भन्नेबारे पदाधिकारी आफै अनविज्ञ छन् । ’ प्रतिष्ठानका पदाधिकारीहरुले यसरी बेला बेला आन्दोलन गर्नुले कुनै अर्थ राख्दैन । आन्दोलनले सबैले सास्ति मात्र बेहोर्नु पर्छ । प्रतिष्ठानको नाम बद्नाम हुनुदेखि बाहेक अरु केही हुन नसक्ने हुँदा यसरी आन्दोलन गर्नुले कुनै अर्थ राख्दैन ।