सिङ्गटी हाइड्रो इनर्जी लिमिटेडको प्रवन्ध संचालकमा सुदिप खड्का चयन

काठमाडौँ । सिङ्गटी हाइड्रो इनर्जी लिमिटेडको १२ र १३ औं वार्षिक साधारणसभा सम्पन्न भएको छ । संस्थापक शेयरधनीबाट ४ र सर्वसाधारण शेयरधनीको तर्फबाट २ जना गरी ६ जना संचालक चयन गर्दे बुधबार साधारणसभा सम्पन्न भएको हो । साधारण सभाबाट संस्थापक शेयरधनीहरुको तर्फबाट सुदिप खड्का, रजनि थापा, सुदिप राज गौतम र विजि ग्रुप प्रा। लीको प्रतिनिधि सुनिल केसी र सर्व साधारण शेयरधनीबाट दल बहादुर विष्ट र श्याम प्रसाद खतिवडा निर्वचित भएका हुन् । यस्तै आजै बसेको संचालक समितिको बैठकले सुदिप खड्कालाई सर्वसम्मत रुपमा प्रवन्ध संचालकमा चयन गरेको छ । नव निर्वाचित संचालकहरुको कार्यकाल ४ वर्षको लागि हुनेछ । सिङ्गटी हाइड्रो इनर्जी लिमिटेड (२५ मेगावाट) नेपालको सुपर सिक्स आयोजना मध्येको एक हो । यस हाइड्रो आयोजना दुई बर्षअघि निर्माण सम्पन्न भई निरन्तर बिद्युत उत्पादन गरिरहेको छ। जलप्रवाहमा आधारित यस आयोजनाबाट २५ मेगावाट क्षमताको विधुत उत्पादन गर्दछ। आयोजनामा ३० प्रतिशत स्वामित्व सर्वसाधारणको छ ।