विराटनगर, २८ जेठ — मोरङको सीमावर्ती क्षेत्र जहदा गाउँपालिका–७ बाट सशस्त्र प्रहरीले ठूलो मात्रामा अवैध गाँजा बरामद गरेको छ।
सीमा सुरक्षा गुल्म सोराभाग तथा बीओपी नोचा र तारेगामाबाट परिचालित सशस्त्र प्रहरीको संयुक्त टोलीले बुधबार राति ९२२ केजी गाँजा, एक पिकअप भ्यान र एउटा मोटरसाइकल नियन्त्रणमा लिएको हो।
https://biratkhabar.com/uploads/ads/ad_69b65a7e4ddcf_1773558398.gif
प्रहरीका अनुसार लक्ष्मनियाबाट तारेगामातर्फ जाँदै गरेको को १ ख ७०२२ नम्बरको पिकअपलाई बिआर ३८ जेड ७४५२ नम्बरको भारतीय मोटरसाइकलले अगुवाइ गरिरहेको थियो। शंकास्पद गतिविधि देखिएपछि सुरक्षाकर्मीले ती सवारीसाधनलाई पछ्याएका थिए। प्रहरीको निगरानीपछि चालकहरू गाडी र मोटरसाइकल छाडेर फरार भएका थिए।
https://biratkhabar.com/uploads/ads/ad_698d550822637_1770870024.gif
जाँचका क्रममा पिकअपभित्र धानको भुसका बोराले ढाकेर राखिएको २९ पोका गाँजा फेला परेको सशस्त्र प्रहरीले जनाएको छ। बरामद गाँजा, पिकअप र मोटरसाइकल थप अनुसन्धान तथा कानुनी प्रक्रिया अगाडि बढाउन नेपाल प्रहरीलाई हस्तान्तरण गरिएको छ।
