विराटनगर । कोशी प्रदेश सभाको नवौं अधिवेशन आजदेखि सुरु हुने भएको छ। बुधबार अपराह्न ३ बजेका लागि प्रदेश सभाको बैठक बोलाइएको छ।
प्रदेश सभा सचिवालयका अनुसार बैठकमा विभिन्न राजनीतिक दलका नेताहरूले आ–आफ्नो दलीय धारणा राख्नेछन्। साथै सामाजिक विकासमन्त्री रामप्रसाद मेहताले ‘प्रदेश खेलकुद अध्यादेश (पहिलो संशोधन) २०८३’ प्रदेश सभामा पेश गर्ने कार्यसूची रहेको प्रदेश सभा सचिव सुदर्शन खड्काले जानकारी दिए।
हाल प्रदेश सभाको बैठक विराटनगरस्थित विरेन्द्र सभागृह भाडामा लिएर सञ्चालन हुँदै आएको छ। कटहरीमा निर्माणाधीन प्रदेश सभा भवनको सभा हल तयार नभइसकेकाले अस्थायी रूपमा सभागृहबाट बैठक सञ्चालन गरिएको हो।
