१५ चैत, विराटनगर । नेपाली कांग्रेसका नेता तथा पूर्व ऊर्जामन्त्री दीपक खड्का पक्राउ परेका छन्। स्रोतका अनुसार उनीमाथि सम्पत्ति शुद्धीकरणसम्बन्धी मुद्दामा अनुसन्धान भइरहेका बेला पक्राउ गरिएको हो।
खड्का लैनचौरस्थित स्काउटको जग्गासम्बन्धी विवादमा समेत जोडिएका छन्। जेनजी आन्दोलनका क्रममा उनको निवासमा आगजनी हुँदा पैसा उडेको दाबी गरिएको एउटा भिडियो सार्वजनिक भएपछि उनीमाथि थप चासो बढेको थियो। सोही विषयलाई लिएर पनि अनुसन्धान भइरहेको बताइएको छ।
नेपाल प्रहरीको केन्द्रीय अनुसन्धान ब्युरो (सीआईबी) स्रोतले पूर्वमन्त्री खड्का पक्राउ परेको पुष्टि गरेको छ।
