✦
संक्षेपमा
- • १. प्रधानमन्त्री बालेन शाहले मन्त्रिपरिषद् विस्तार गर्दै कानुन, न्याय तथा संसदीय मामिला मन्त्रालय सोविता गौतमलाई दिएका छन्।
- • २. गृह, परराष्ट्र, ऊर्जा, उद्योग र सामान्य प्रशासन मन्त्रालयका जिम्मेवारी पनि टुंगो लगाइएको छ।
- • ३. नयाँ सरकार गठनसँगै बालेन शाहले आजै मन्त्रिपरिषद् विस्तार गर्ने तयारी गरेका छन्।
१३ चैत, काठमाडौं । प्रधानमन्त्री नियुक्त भएका बालेन शाहले मन्त्रिपरिषद् विस्तारको तयारी गर्दै कानुन, न्याय तथा संसदीय मामिला मन्त्रालयको जिम्मेवारी सोविता गौतमलाई दिएका छन्।
नयाँ सरकार गठनसँगै प्रधानमन्त्री शाहले मन्त्रीहरूको नाम टुंगो लगाएका छन्। सोही अनुसार कानुन मन्त्रालयको जिम्मेवारी गौतमलाई दिइएको हो।
त्यस्तै, गृह मन्त्रालयको जिम्मेवारी सुधन गुरुङले पाउने भएका छन् भने परराष्ट्र मन्त्रालय शिशिर खनाललाई दिइएको छ। ऊर्जा मन्त्रालयमा विराजभक्त श्रेष्ठ, उद्योग मन्त्रालयमा अमरेश कुमार सिंह र सामान्य प्रशासन मन्त्रालयमा प्रतिभा रावलको नाम निश्चित गरिएको छ।
प्रधानमन्त्री शाहले आजै मन्त्रिपरिषद् विस्तार गर्ने तयारी गरेका छन्। नयाँ सरकारको प्रारम्भिक स्वरूप सार्वजनिक भएसँगै थप मन्त्रालय र जिम्मेवारीबारे पनि क्रमशः टुंगो लाग्ने अपेक्षा गरिएको छ।
