बिपी धरानको मातृशिशु स्याहार केन्द्र भवन ठेक्कामा अनियमितताको आशंका : छानबिन सुरू

धरानको बिपी कोइराला स्वास्थ्य विज्ञान प्रतिष्ठानको मातृशिशु स्याहार केन्द्र भवनमा प्रक्रिया मिचेर ठेक्का लगाएर निर्माण थालिएको  अनियमितता भएको आशंकामा अध्ययन गर्न एक समिति गठन भएको छ ।स्वास्थ्य सचिव डा. किरण रेग्मी संयोजक रहेको ३ सदस्यीय समिति प्रतिष्ठानको बिहीबार सम्पन्न ४०औं सिनेट बैठकले गठन गरेको छ। उक्त समितिले प्रतिष्ठानको मातृशिशु स्याहार केन्द्र भवनको ठेक्का प्रक्रियाको विषयमा अध्ययन गरी  तीन साताको समयमा उक्त प्रतिवेदन आगामी महिना हुने सिनेट बैठकमा पेश गर्ने निर्णय भएको छ । अघिल्लो उपकुलपति डा. बिपी दासले आफ्नो पदावधि सकिन लागेको बेलामा मन्त्रालय तथा आन्या निकायसंग संबन्य नगरी  ठेक्का लगाएका थिए । ७६ करोड लागत अनुमान तात्कालीन सिनेट बैठकले भवनका लागि स्वीकृत गरे पनि पूर्वउपकुलपति डा. दासले परामर्शदाता नियुक्ति गरेपछि लागत चार गुणा बढी सवा २ अर्ब पुगेको थियो ।उपकुलपति दासले यति ठूलो लागतको योजना सुरु गर्दा बजेट कसरी व्यवस्थापन गर्ने भनेर सुनिश्चित नभई नै  हतारमा ठेक्का लगाएर निर्माण सुरु गरेका थिए । कमिसनको खेलमा प्रक्रिया पूरा नगरी ठेक्का लगाएको भन्दै दासको यस कार्यको विरोध हुँदै आएको थियो । स्वास्थ्य मन्त्रालयबाट एमसिएच भवन बनाउन  सहमति भए पनि सिनेट बैकठले भवनका लागि ७६ करोड मूल्यांकन स्वीकृत गरेको थियो । सोही सिनेट बैठकले प्रतिष्ठानका कर्मचारीको मासिक महँगी भत्ता १ हजार उपलब्ध गराउने निर्णय पनि गरेको छ । यस्तै, मेडिकल तथा डेन्टल इन्र्टनहरूको भत्तामा १ हजार वृद्धि गर्ने, पेन्सन पाउने शिक्षक तथा कर्मचारीको हकमा अन्य निजामति कर्मचारीजस्तै दसैं खर्च समावेश हुने निर्णय गरेको पनि प्रतिष्ठानले जानकारी दिएको छ । नेपाल सरकारले ज्येष्ठ नागरिकको सहुलियत उपचारबापतको खर्च  उपलब्ध गराउने, प्रतिष्ठानमा लामो समयावधिसम्म कार्य गरी निवृत्त भएका शिक्षक÷कर्मचारीका सन्तानले उपलब्ध कोटामा परीक्षा दिन पाउने, सुवर्ण फार्मेसी, हरैंचाको सम्बन्धमा थप अध्ययन गरी अगामी सिनेटमा प्रतिवेदन पेश गर्ने निर्णय भएको छ ।सिनेट बैठक स्वास्थ्यमन्त्री एवं प्रतिष्ठानका सहकुलपति दीपक बोहराको अध्यक्षतामा भएको थियो । बैठकमा उपकुलपति डा. आरके रौनियार, अस्पताल निर्देशक डा. गौरीशंकर, शिक्षाध्यक्ष डा. गुरु खनाल साहलगायत सिनेट सदस्य सहभागी थिए ।