अनुषा थापा, बिराटनगर । पोखरामा आइतबार भएको यति एयरको विमान दुर्घटनामा परेर ज्यान गुमाएकी पाइलट अञ्जु खतिवडा विराटनगर महानगरपालिका–५ चाँदनी चोक निवासी गोबिन्द खतिवडाको छोरी हुन् । ।
आइतबार बिहान १०ः३२ बजे काठमाडौंबाट पोखराका लागि उडेको यति एयरको विमान सेती खोँचमा खसेर दुर्घटनाग्रस्त भएको हो । सो सवारमा चालक दलका सदस्य मध्येकी को पाईलट थिईन अन्जु खतिवडा । दुर्घटना भएको विमानमा परिचालिका सृजना होंगचुन र ओसिन आलेमगर थिए। विमान वरिष्ठ क्याप्टेन कमल केसी र खतिवडा मिलेर उडाएका थिए ।
६८ जना यात्रु बोकेर पोखरा उडेको यति एयरलाइन्सको एएनसी एटीआर ७२ विमान अवतरण हुनै लाग्दा दुर्घटना भएको थियो, जसमा को–पाइलट खतिवडाको पनि मृत्य भएको छ । बिराटनगर चाँदकी चोक शोकमग्न २०३५ सालमा जन्मेकी खतिवडाको माइतीघर बिराटनगर चाँदनी चोक पश्चिम तर्फको टोल अहिले शोकमग्न छ । उनले दिएको जानकारी अनुसार उनले १६ वर्षअघि विमान दुर्घटनामै श्रीमान गुमाएकी थिइन् । २०६३ साल असार ७ गते नेपालगन्जबाट सुर्खेत हुँदै जुम्ला जाँदै गरेको एयरक्राफ्ट ९ एनएइक्यू–सी विमान उडेको २६ मिनेटमा दुर्घटनाग्रस्त भएको थियो ।
त्यो दुर्घटनामा ६ यात्रु सहित पाइलट किरण मल्ल, का–पाइलट पोखरेल र क्याबिन क्रु–दीपक शेरचनको मृत्यु भएको थियो । को–पाइलट श्रीमान्को मृत्यु भएपछि अञ्जु पाइलट पढ्न अमेरिका गइन । विराटनगरमै एसएलसीसम्म पढेकी उनी त्यसपछि प्लस टु पढ्न भारत गएकी थिइन् । श्रीमान्को मृत्युको करिब चार वर्षपछि उनी अमेरिकाबाट पाइलट कोर्स पूरा गरेर नेपाल फर्किएकी थिइन । नेपाल आएपछि यति एयरलाइन्समा नै आबद्ध भएकी थिइन्। अञ्जु एक वर्षपहिले मात्रै क्याप्टेन बनेकी थिइन । अञ्जु र दीपककी २२ वर्षकी छोरी छिन । पाइलट भइसकेपछि उनले काठमाडौंका सुवास केसीसँग दोस्रो विवाह गरेकी थिइन । दोस्रो श्रीमान केसी पट्टिबाट सात वर्र्षीय छोरा रहेको ती आफन्तले बताइन ।
