निराको हत्या गर्ने झापामा पक्राउ, आज सार्वजनिक गरिँदै

विराटनगर । काठमाडौंमा निरा पाण्डेको हत्यामा संलग्न रहेको आरोपमा एक व्यक्ति पक्राउ परेका छन्। प्रहरीले पाण्डेको हत्यामा संलग्न रहेको आरोपमा ९ दिन पछि झापाबाट विनोद विकलाई पक्राउ गरेको हो। शनिबार पक्राउ परेका उनलाई आज प्रहरीले सार्वजनिक गर्ने बुझिएको छ । कपनको सरस्वतीनगरीस्थित निरा किचन सञ्चालन गर्दै आएकी पाण्डेको गत वैशाख ७ मा रहस्यमय तरिकाले हत्या भएको थियो। प्रहरी स्रोतका अनुसार बिकलाई झापा नै पुगेर पक्राउ गरिएको हो, उनी काठमाडौँमा पाण्डेको हत्या गरी झापातर्फ फरार भएका थिए। नौ दिनसम्म पनि पाण्डेको हत्यारालाई पक्राउ नगरेको भन्दै आफन्तजनले शनिवार मात्रै काठमाडौँमा प्रदर्शन गरेका थिए । सरकारले शुक्रबार मात्रै विशेष छानबिन समिति गठन गरेको थियो। उनको हत्यारालाई पक्राउ गर्नका लागि गगन थापालगायतले संसदमा पनि आवाज उठाएका थिए। नौ दिनपछि पक्राउ परेका बिकलाई औपचारिक रुपमा आज मात्रै सार्वजनिक गर्ने जनाइएको छ।