कोशी प्रदेशका मुख्यमन्त्री थापाले आज पद तथा गोपनीयताको शपथ ग्रहण गर्दै

विराटनगर । कोशी प्रदेशका नवनियुक्त मुख्यमन्त्री उद्धव थापाले आज पद तथा गोपनियताको सपथ ग्रहण गर्दैछन् । नेपाली कांग्रेस प्रदेश संसदीय दलका नेता थापालाई मंगलबार प्रदेश प्रमुख परशुराम खापुङले मुख्यमन्त्रीमा नियुक्त गरेका हुन् । यो नियुक्ति संविधानको धारा १६८ को उपधारा २ बमोजिम गरिएको हो । थापा दोस्रो पटक कोशी प्रदेशको मुख्यमन्त्रीमा नियुक्त भएका हुन् । यसअघि सभामुखको हस्ताक्षर प्रयोग गरेर सरकार गठन गरेपछि उनलाई २२ दिनभित्र पदबाट बर्खास्त गरिएको थियो । संविधानको धारा १६८ को उपधारा २ बमोजिम मुख्यमन्त्री बन्न थापाले कांग्रेस, नेकपा माओवादी केन्द्र, नेकपा एकीकृत समाजवादी पार्टी र जनता समाजवादी पार्टी ९जसपा० लगायतका विभिन्न दलको समर्थन जुटाएका थिए । थापाको उम्मेदवारीमा कांग्रेसबाट २९, माओवादी केन्द्रबाट १३, एकीकृत समाजवादी पार्टीका ४ र जसपाका १ जना सांसदले समर्थन जनाएका छन् ।