राजा महेन्द्रको पालामा महेन्द्र गोल्डकपमा सुनको ट्र्फि लोकतन्त्र आए पछि सुन हराउने र नाम फेर्ने अनि बिराट गोल्डकप र सेतो डुब्लीकेट ट्र्रफि

बिराटनगर । राजाले सुनको ट्र्रफि बनाए तर लोकतन्त्रको रैतिले त्यो सुनलाई सेतो बनाए । सुनको ट्र्रफि हराए पछि निरीह भनेको आयोजक समितीले कुनै उत्तर नदिई सेतो भएपनि खेल खेलाउने लज्जास्पद उत्तर दिएको छ । विराटनगरमा विसं २०१८ सालदेखि बर्सेनि आयोजना गर्ने गरी महेन्द्र गोल्डकप नाम राखेर प्रतियोगिता आरम्भ गरिएको थियो । लोकतन्त्र स्थापनापछि भने प्रतियोगिताको नाम फेरिएको छ ‌। पूर्वराजा महेन्द्रको पालामा लेपन गरिएको विराट गोल्डकप (लोकतन्त्रपछि नाम फेरिएको) फुटबल टुर्नामेन्टको ट्रफीबाट सुन हराएको खुलेको छ । सक्कली र ऐतिहासिक ट्रफी सेतो देखेपछि पत्रकारहरूले सोधे– 'लेपन गरिएको सुन सुन खोइ ? कहाँ हरायो ? कसले लग्यो ?' विगतमा 'सुनको पहेँलो रंगको ट्रफी रहेको तर इतिहास नै मेट्ने गरी रंग किन फेरिएको हो ?' भन्दै फ्लोरबाट प्रश्न उठेको थियो । सुनका सम्बन्धमा विराट गोल्डकप फुटबल प्रतियोगिता आयोजक समिति, २०८१ का संयोजक नवीन रिजालले यसबारे आफूलाई जानकारी नै नभएको बताए । "ट्रफीको कलरको जे कुरा छ, त्यो मलाई जानकारी भएन । मैले यसलाई छोएको पनि छैन । सेतो किन र पहेँलो किन छैन ? मैले २७ दिनदेखि ट्रफी हेरेको मात्र छु, स्टिल त माझ्दा खिइन्छ, त्यही भएको होला मलाइ थाहा भएन," रिजालले भने, "सुनको पातलो पत्र राखिएको हुन्छ होला, के भयो मलाई थाहा भएन । खिइएर गयो कि !," रिजालले भने । उनी विराट गोल्डकप ट्रस्टका टस्ट्रिज पनि हुन । ट्रफीमा लेपन गरिएको सुनको परिणामबारे ट्रस्टले समेत हालसम्म आफ्नो धारणा सार्वजनिक गरेको छैन । फुटबल प्रतियोगिता गर्ने र ट्रफी संरक्षण गर्ने जिम्मेवारी उसकै हो ।  लगातार तीनपटक कुनै टिम विजेता भए उसले सक्कली ट्रफी लैजान मिल्ने बताइन्छ । के छ इतिहास ? विराटनगरमा फुटबलमार्फत खेल गतिविधि बढाउन तत्कालीन राजा महेन्द्रको हुकुमबाट प्रतियोगिता आरम्भ भएको थियो । २०१८ सालदेखि उनकै नाममा प्रतियोगिता हुन्थ्यो ‌। त्यसयता ३९ वर्षसम्म नियमित  प्रतियोगिता भए । २०५७ सालदेखि भने ११ वर्षसम्म रोकियो । लोकतन्त्रकालमा नाम परिवर्तन भयो । महेन्द्रबाट विराट गोल्डकप बनाइयो । फेरि २०६८ सालदेखि प्रतियोगिता हुन थाल्यो ‌। बीचमा २०७० मा भएन । प्रतियोगिताको आयोजक परिवर्तन गरी २०७१ बाट पुनः गर्न थालियो । सहिद रंगशालामा फ्लडलाइट जडान भएपछि रात्रिकालीन प्रतियोगिता हुँदै आएको छ । परीक्षणस्वरूप एक साल नवीन रिजालकै संयोजकत्वमा बाँसका खाँबाखुट्टीमा फ्लडलाइड झुन्ड्याएर पहिलो रात्रिकालीन स्पर्धा गराइएको थियो । लगत्तै कोसी प्रदेश सरकारले सहिद रंगशालामा स्थायी फ्लडलाइट जडान गरिदियो । त्यसयता भने नियमित प्रतियोगिता हुन थालेको हो । घाटामा गोल्डकप आयोजकका अनुसार, अघिल्ला दुई पटकका प्रतियोगितामा डेढ करोड घाटा भएको थियो । यसपटक पनि ३२ लाख रुपैयाँ घाटा नै रहेको संयोजक रिजालले सुनाए । प्रायोजक र अन्य सहयोगसमेत गरी एक करोड व्यवस्थापन भएको तर अनुमानित बजेटभन्दा ३२ लाख रुपैयाँ अपुग रहेको उनले सुनाए । "कहाँकहाँ कम खर्च गर्दा वचत हुन्छ त्यसमा ध्यान दिन्छौँ । सकेसम्म मुनाफामा लगेर ट्रस्टलाई दह्रो बनाउने योजना छ," उनले भने । उनले दर्शकलाई बेचिने टिकटबाट घाटा पूर्ति गर्ने योजना रहेको पनि सुनाए । यस वर्ष प्रदेश सरकारले ६ लाख र विराटनगर महानगरपालिकाले १६ लाख रुपैयाँ सहयोग गर्ने प्रतिबद्धता जनाएको छ । तर, प्रदेशले अघिल्लै वर्षको प्रतियोगितामा कबोलेको रकम समेत नदिएको गोल्डकप ट्रस्टले जनाएको छ । विराट गोल्डकप ट्रस्टका अध्यक्ष किशोरबहादुर शाहीले कबोल गरेको रकमसमेत प्रदेशले नदिँदा समस्या भएको बताए । "सहयोग गर्ने भनिन्छ । तर, रकम भने दिँदैनन्," उनले भने ।  प्रतियोगितामा दर्शकको मनोरञ्जनका निम्ति यसपटक राष्ट्रिय कलाकारहरूको पनि प्रस्तुति रहने बताइएको छ । स्पर्धामा भारतका दुई र नेपालका आठ टिम सहभागी हुँदै छन् ।