काठमाडौं विश्वविद्यालयले पीजी परीक्षा बिराट मेडिकल कलेज शिक्षण अस्पताल बिराटनगरमा हुने

विराटनगर । काठमाडौं विश्वविद्यालय(केयू) अन्तर्गत स्नातकोत्तर तह (पीजी) का परीक्षार्थीहरूका लागि विराट मेडिकल कलेज शिक्षण अस्पताल विराटनगरलाई परीक्षा केन्द्रका रूपमा तोकिएको छ । यससँगै कलेज प्रशासनले परीक्षार्थीहरूको सुविधा र सुरक्षालाई मध्यनजर गर्दै विभिन्न सेवा–सुविधाहरू उपलब्ध गराएको छ । कलेज प्रशासनले परीक्षाको सम्पूर्ण अवधि भर क्याम्पस भित्रै सुरक्षित र सुलभ बसोबासको व्यवस्था गरिएको छ । परीक्षार्थीहरूले रु छ हजारमा १५ दिनका लागिउपलब्ध आधारभूत होस्टेल कोठा, लगायत अन्य सुबिधाहरु जसमा सफा, शान्त र सुरक्षित वातावरण प्रदान गर्ने छ भने दोस्रो बिकल्पमा दैनिक रु. ३ हजार तिरेर वातानुकूलित निजी रुममा भान्छा सहितको निजी स्टुडियो अपार्टमेन्टको व्यवस्थापनि गरिएको जनाएको छ । दुबै सेवा फस्ट कम फस्ट सर्भिसका आधारमा मात्र उपलब्ध हुने प्रशासनले जनाएको छ । अध्ययन वातावरणको ख्याल राख्दै कलेज परिसरमा रहेको केन्द्रीय चिकित्सा पुस्तकालय बिहान ७ बजेदेखि राति १० बजेसम्म खुला रहनेछ । पुस्तकालयमा आवश्यक सम्पूर्ण सामाग्री सहित उच्चगतिको वाइफाइ, अध्ययन डेस्क र पर्याप्त सन्दर्भ सामग्री उपलब्ध गराउनेछ । परीक्षार्थीहरूले पुस्तकालय प्रवेशकालागि आफ्नो केयू परिचय पत्र वा विश्वविद्यालय कार्ड अनिवार्य रूपमा ल्याउनु पर्नेछ । परीक्षा स्थलहरू विराट मेडिकल कलेज शिक्षण अस्पतालको शैक्षिक ब्लक र क्लिनिकल विभागहरूमा रहनेछन ्। परीक्षाका लागि स्थान र समय तालिका पहिलो परीक्षाको ४८ घण्टा अघि अनलाइन तथा क्याम्पसमा सूचना बोर्डमा टाँसिने समेत स्पष्ट जानकारी गराएको छ । खानपानको सुविधा पनि सहज राखिएको छ । विद्यार्थी मेस, मुख्य क्यान्टिन र क्याम्पस किओस्कमा सन्तुलित खाना, चिया तथा खाजा उपलब्ध हुने छन ्। त्यस्तै, बाह्य खाना डेलिभरी सेवा पनि प्रयोग गर्न सकिनेछ । होस्टेल, पुस्तकालय र क्यान्टिन जस्ता प्रमुख सुविधा केन्द्रहरू पाँच मिनेटको पैदल दूरी भित्र रहेको छ । विशेष स्वास्थ्य, आहार वा पहुँच आवश्यकताहरू भएका परीक्षार्थीहरूलाई सहजीकरण गर्न संयोजक श्री दीप डागा सँग अग्रिम सम्पर्क गर्न अनुरोध गरिएको छ । बसोबास आरक्षण र वित्तीय विवरणका लागि पनि सोही माध्यम प्रयोग गर्न सकिने प्रसाशनले जनाएको छ । विराट मेडिकल कलेज शिक्षण अस्पताल प्रशासनले परीक्षा दिन आउने सम्पूर्ण विद्यार्थीलाई स्वागत गर्दै सफल परीक्षा र सुरक्षित बसोबासको शुभकामना समेत व्यक्त गर्दछ ।