पहिचान पक्षधरलाई तत्काल वार्तामा बोलाउन कांंग्रेस कोशी प्रदेश संसदीय दलको माग

विराटनगर । नेपाली कांंग्रेस कोशी प्रदेश संसदीय दलले आन्दोलनरत पहिचान पक्षधरलाई तत्काल बार्तामा बोलाउन माग गरेको छ । बिहीबार विज्ञप्ति जारी गर्दै काङ्ग्रेस कोशी प्रदेश संसदीय दलले पहिचानका आधारमा पुनः प्रदेशको नामकाङको माग गर्दै आन्दोलनमा उत्रिएको पक्षलाई बार्तामा बोलाउन प्रदेश सरकार समक्ष माग गरेको हो ।

‘अघिल्लो प्रदेशसभाबाट नेपालका ६ वटा प्रदेश सरकारले आफ्नो नाम र राजधानी तोकिसकेका थिए तर तत्कालिन प्रदेश १ ले नाम राख्न सकिरहेको थिएन । नाम राख्नैपर्ने थियो र साझा सहमतिबाट कोशी प्रदेश नामाकरण गरियो’, काङ्ग्रेस संसीयद दलले भनेको छ, ‘कोशी प्रदेश सरकारलाई तत्काल वार्ता समिति बनाई आन्दोलनरत पक्षलाई वार्तामा बोलाई उचित मागहलरूाई यथासक्य सम्बोधन गर्नहुन ध्यानाकर्षण गराउँदछौं ।’

काङ्ग्रेसले कोशी प्रदेश नामाकरणको विषयलाई लिएर आन्दोलनरत प्रदेश नम्बर १ नामांकन संघर्ष समितिलाई पनि शान्तिपूर्ण र संयमित भएर आफ्ना मागहरु राख्न आग्रह गरेको छ ।पहिचान पक्षधरहरुले जेठ १४ गतेबाट कोशी प्रदेशको राजधानी केन्द्रीत आन्दोलन घोषणा गरेको छ ।

कोशी प्रदेश सरकारले प्रदेशसभाको बजेट अधिवेशन बोलाएपछि पहिचान पक्षधरले प्रदेशसभा केन्द्रीत आन्दोलन घोषणा गरेको हो ।फागुन १७ गते प्रदेशसभाले प्रदेशको नाम कोशी राखेपछि असन्तुष्ट बनेको पहिचान पक्षधले सांसदलाई निषेध अभियान पनि सञ्चालन गरिरहेको छ ।