काठमाडौ । पूर्वप्रहरी महानिरीक्षक (आइजिपी) सर्वोन्द्र खनाल नेपालको सबै भन्दा ठुलो पाटी नेकपा एमाले प्रवेश गरेका छन्।
एमाले केन्द्रिय पार्टी कार्यालय, च्यासलमा एमाले अध्यक्ष केपी शर्मा ओली लगायतका नेताहरूले खनाललाई स्वागत गरेका छन् ।
नेपाल प्रहरीको ३० वर्षे सेवाबाट अवकाश पाएका खनाललाई एमाले अध्यक्ष केपी शर्मा ओलीले आज पार्टी कार्यालय च्यासलमा आयोजित कार्यक्रम बीच एमाले प्रवेश गराएका हुन्। कार्यक्रममा महासचिव शंकर पोखरेल, उपमहासचिव विष्णु रिमाल लगायतका नेताहरूको उपस्थिति थियो ।
आफू एमालेमा प्रवेश गर्न पाउँदा खुशी भएको पूर्व आइजिपी खनालले बताएका छन् । आम नेपालीको अपेक्षा, देश विदेशको आस्थाको केन्द्र, समृद्ध नेपाल सुखी नेपालीको नारा अघि बढाउने राष्ट्र्र नेताको हातबाट नेकपा एमालेको जस्तो गरिमामय पार्टीको सदस्यता लिन पाउँदा खुसीले हर्षविभोर भएको खनालले बताएका छन् ।
खनाल सँगै बिहीबार विवेकशील साझा पार्टीका संस्थापक सदस्य अब्दुस मियाँ, राष्ट्रिय पुनर्जागरण पार्टीका महासचिव रविकिरण खनाल, जसपाका नेता होरिलाल चौधरी लगायत एमालेमा प्रवेश गरेका छन् ।