एन्जु शिवाकोटी, विराटनगर। विराटनगरको हिमालय रोड सौन्दर्यीकरणको योजना यति बेला सर्वत्र आलोचित भइरहेको छ । विराटनगरबासीहरुले यस योजना प्रति असहमति जनाउदै आएका छन् । नागरिक अगुवा तथा बुद्घिजीविहरुले संयुक्त रुपमा पुष ९ गते विराटनगरको केन्द्र्रविन्दुको रुपमा रहेको जनआन्दोलन चोकको सांस्कृतिक, राजनीतिक तथा ऐतिहासिक गरिमा समाप्त हुने भन्दै प्रेस विज्ञप्ति जारी गरि विरोध जनाएका थिए ।
यस अगाडि स्थानियबासी तथा व्यवसायीहरुले पुष ८ गते सौन्दर्यीकरणको यस योजना अन्यत्रै सार्न माग राख्दै १ घण्टा सटर डाउन गर्दै विरोध जानाएका थिए ।

हिमालय रोडलाई सिकिम्मको महात्मा गान्धी रोड जस्तै बनाउने महानगरपालिकाको यो योजना कतिको जाहेज छ त भन्ने विषयमा मेयर भिम पराजुलीले योजनाको विरोध गर्नु गलत रहेको बताएका छन् । स्मार्ट सडको निमार्ण गरी हिमालयरोडको स्तरोन्नति गर्ने योजना रहेको जसले गर्दा मानविय चहल पहल बढ्नुका साथै व्यापारमा पनि उन्नती हुने मेयरको भनाई छ । यस परियोजनाको विरोध गर्नु समग्र रुपमा विराटनगरको स्तरोन्नतिको विरोध गर्नु सरह रहेको बताएका छन् ।
महेन्द्र चोक देखि ट्राफिक चोकसम्म जोड्ने सडम खण्ड निमार्ण संरचना र सडक पेटिलाई कुनै किसिमको क्षेति नपुग्ने गरी १ सय ४० मिटर लम्बाई र ११ दशमलव ६ मिटरको चौडाईमा मंसिर ३ गते देखि हिमालय रोडको महानगरपालिकाले सौन्दर्यीकरण योजना सुरु गरेको थियो । महानगरपालिकाका अनुसार चार चक्के सवारी साधन पार्किङका लागि सडकको पश्चिम तर्फ ८ सय इस्कुवायर फिटको पर्किङ क्षेत्र निमार्ण गरिने छ । हिमालय रोडलाई चार सेक्सनमा विभाजन गरिने छ । जस अन्तर्गत पश्चिम तर्फ सेक्सन ए मा खुल्ला क्षेत्र र विभिन्न कार्यक्रम सञ्चालनको लागि स्टेज, सेक्सन बि मा हरियाली पार्क, सेक्सन सी मा पाउन्टेन वाटर पार्क तथा जनचेतनामुलक कार्यक्रमका लागि एमफि थिएटर र सेक्सन डी मा दुईचक्के सवारी साधनका लागि पार्किङ क्षेत्र बनाइने योजना रहेको छ । १ करोड ६१ लाख ४२ हजार लागत रहेको यस परियोजनालाई कला विल्डसले ठेक्का लिएको छ ।
यस परियोजनालाई समग्र रुपमा हेर्नेहोभनी त्यति प्रभावकारी देखिदैन । यस परियोजनाले सेक्सन छुट्याएर पार्क वनाए पनि साँगुरो सडक झन साँगुरिने देखिन्छ । सवारी साधनको पार्किङ क्षेत्र छुट्याइएको भएता पनि प्रयाप्त देखिदैन । ठुला सवारी साधनको लागि यो उपयुक्त छैन् । सडक साँगुरो हुने भएकाले ट्राफिक जाम सधै हुन सक्छ । तिन पाङ्ग्रे सिटि रिक्साको विषयमा यस योजना मौन देखिन्छ जसले गर्दा हिमालय रोडमा रहेर सिटि रिक्सा चलाउदै आएका सिटिहरु विस्थापित हुने छन् । स्माट पार्क बनाउनु राम्रो कुरा हो । तर सहि ठाँउ, परिवेश अनुसार उचित तरिकाको योजना नहँदा गरिएको विकास कार्यले प्रभावकारिता देखाउन सक्दैन । सौन्दर्यीकरणका नाममा हुन लागेको स्माट पार्क निमार्णले विराटनगरको मुटुको रुपमा रहेको महेन्द्र चोकको गरिमामय इतिहासलाई समाप्त पार्ने देखिन्छ ।