धनकुटा । धनकुटा नगरपालिका-१० उत्तरपानीस्थित धर्मशाला नजिकको एनसेल टावरमा गएराति अज्ञात समूहले आगजनी गरेको छ। राति १२ बजेतिर टावरमा आगजनी भएकाे प्रहरी चौकी हिलेका प्रहरी सहायक निरीक्षक यदु खड्काले जानकारी दिनुभयाे। आगजनीबाट टावरमा रहेको चारवटा ब्याट्री पूर्णरूपमा जलेको छ भने चारवटा ब्याट्रीमा सामान्य क्षति पुगेकाे छ। जसका कारण टावर सञ्चालन हुन सकेको छैन। टावरमा आगजनी भएपछि अहिले सो क्षेत्रका सयौं एनसेल प्रयोगकर्ता मारमा परेका छन्।