विराटनगर उपमहानगरपालिका भित्र बालश्रम उन्मूलन गर्ने उद्देश्यले विराटनगरका विभिन्न होटल, फ्रेस हाउस तथा ग्यारेजमा बालश्रमको अनुगमन गरी बालश्रिमक पाइएका होटल तथा ग्यारेजलाई कारवाही अगाडि बढाउने योजना उपमहानगरपालिकाले बनाएको छ ।
विराटननगर उपमहानगरपािलकाकाले यो अभियानलाई तिब्र पार्ने र कार्बाहीलाई कडा बनाउने निति समेत पारीत गरेको छ । उपमहानगरपालिकाका प्रशासन महाशाखा प्रमुख राजेन्द्र प्रधानले अब बिराटनगर बजारमा कुनै पनि बालश्रमिक देख्न र भेट्न समेत पाइने छैन् जसका लागि नगरपालिकाले कडा निति अबलम्बन गरेको बताउनु भयो ।
बिषेश गरी विराटनगर—५ मा रहेको नोबेल अस्पताल आसपासका होटल तथा क्यान्टिन, मुनालपथ आसपासका मोटरसाइकल ग्यारेज र फ्रेस हाउस, विराटनगर–१७ मा रहेको आँखा अस्पताल आसपासका होटलहरु तथा विराटनगर–२० मिल्स एरियाका होटलहरुमा अनुगमन गरिएको थियो । विराटनगर बालमैत्री नगर घोषित भएकोले बालमैत्री नगरभित्र बालश्रम नसुहाउने र बालश्रमिक राख्न नपाईने भएको हुदां नगरपालिकाले सरोकारबाला संग मिलेर अभियानलाई शसक्त बनाएको छ ।