सप्तरीको सप्तकोशी नगरपालिका वडा नं ३ मा राहत वितरणको नाममा अनियमितता भएको भन्दै स्थानिय आक्रोसित भएका छन। राहत वितरण निर्देशिकाको मापदण्ड मिचेर सरकारी जागिरे र सुरक्षाकर्मीलाई राहत वितरण गरेको भन्दै स्थानियको आक्रोस चरम उत्कर्षमा पुगेको थियो। हुने खानेलाई राहत वितरण गरेको र गर्जो टार्न नसक्नेलाई नसमेटेको उनीहरुको गुनासो छ। १ छोरा र १ छोरी भएकी एकल महिला राजवती चौधरी एकल महिला हुन। उनले करुण स्वरमा रुँदै आफ्नो गुनासो राखीन। “म एकल महिला हुँ, छोरीलाई राहत लिन पठाएको रुँदै घर आई, म मजदरी गरेर खाने मान्छे हुँ तर मलाइ राहत दिएनन्।” यस्तै वडा सदस्य नेपनी विक र सिताराम सदाले राहत लिएर गरिबको खिल्ली उडाएको भन्दै स्थानिय महिला नेम चौधरीले आक्रोस व्यक्त गरेकी थिइन।

राहत वितरणमा अनियमितता भएको स्वीकार्दै वडाध्यक्ष देवकान्त गोजेवारले पुनः टोल विकास समिति नगर प्रतिनिधि, अनुगमन समिति सहित छलफल गरेर समस्या निराकरण गर्ने बताए। लगभग ८० प्रतिशत राहत वितरण कार्य सम्पन्न भइसकेको छ। यस्तोमा मापदण्ड बिपरित राहत लिइसकेका बाट राहत फिर्ता गराएर लक्षित वर्गमा वितरण गरिने वडाध्यक्ष गोजेवारको भनाइ थियो। नगरपालिकाले दोस्रो चरणको राहतमा एक जना बराबर ७ किलो चामल, १ किलो दाल, १ घर बराबर १ लिटर तेल, २ किलो नुन बितरण गर्ने निर्णय गरेको थियो।

विवादले वडा कार्यालय भरिभराउ भएपछि नगर प्रमुख, उत्तम कुमार शर्मा, उपमेयर आशा चौधरी, विपक्षी दलका प्रतिनिधि, अनुगमन समितिका सदस्य, सुरक्षाकर्मी सहितको टोली वडा कार्यालय पुगेको थियो। बाइटः मेयर शर्माले लक्षित बर्ग भन्दा बाहिरकाले राहत पाएको देखिएको भन्दै वडा समिति र सर्वदलिय समितिबाट समस्या निराकरण गर्ने बताएका थिए। दोस्रो चरणको राहत वितरणमा पार्टीगत स्वार्थ हावी भएको, २०—२२ कठ्ठा जग्गा भएकाले पनि राहत पाएको, प्रतिनिधीका आसेपासेहरु सम्पन्न भएपनि राहत पाएको, कतिपय गरिबलाइ भने राहतबाट बञ्चित गरिएको अनुगमन समिति सदस्य रोहीणी पोखरेलले बताए। भिडियो रिपोर्ट हेर्न तलको लिंक क्लिक गर्नुहोस्। https://www.youtube.com/watch?v=1JXXCGeTNZU&t=102s