हाेमपेज > खेलकुद > न्यू त्रियुगा स्पोर्टस क्लबको सार्वजनिक सुनुवाइ, ऐतिहासिक उपलब्धि भएको दाबी

न्यू त्रियुगा स्पोर्टस क्लबको सार्वजनिक सुनुवाइ, ऐतिहासिक उपलब्धि भएको दाबी

वि.पी. कोइराला, सप्तरी, १ चैत्र
सप्तरी स्थित सप्तकोशी नगरपालिकाको न्यू त्रियुगा स्पोर्टस क्लबले प्रथम अन्तर नगरपालिका वडा स्तरिय फुटबल प्रतियोगिताको आय–व्यय सार्वजनिक गरेको छ। क्लबले सप्तकोशी नगरपालिकाबाट फुटबल प्रतियोगिताको लागि प्राप्त १ लाख ५० हजार र १ नं. वडा कार्यालयबाट ५० हजार गरि कुल २ लाख आय व्ययको सार्वजनिक सुनुवाइ गरेको हो। कार्यक्रममा बोल्दै त्रियुगा स्पोर्टस क्लबका अध्यक्ष अजय श्रेष्ठले पारदर्शीता र जवाफदेहिता अपनाएर मात्र दक्ष खेलाडी उत्पादन हुने बताउनुभयो। क्लबको इतिहासमा अहिले सम्मकै उपलब्धिपूर्ण कार्य भएको अध्यक्ष श्रेष्ठको दाबि थियो । स्थानिय तहबाट उत्पादन भएका खेलाडीहरु नै राष्ट्रिय तथा अन्तराष्ट्रिय खेलाडीका रुपमा अगाडि आउने भएकाले स्थानिय तहको खेलकुदमा थप प्रभावकारी कार्यक्रम र बजेटको अपेक्षा रहेको श्रेष्ठले बताउनुभयो।

whatsapp-image-2020-03-14-at-11-38-12-am

यस्तै कार्यक्रममा प्रमुख अतिथि तथा सप्तकोशी नगरपालिकाका प्रमुख उत्तम कुमार गौतमले सार्वजनिक सुनुवाइ र यसको प्रभावकारीताले आफु प्रभावित भएको भन्दै चैत्र महिना भित्रै खेलकुद विकास समिति गठन गरि युवा केन्द्रित कार्यक्रमहरु, उपमेयर राष्ट्रपति कप, राष्ट्रपति रनिङ सिल्ड, मेयर कप जस्ता कार्यक्रमहरु गराएरै छाड्ने प्रतिबद्धता ब्यक्त गर्नुभयो। साथै उहाँले महिला खेलाडी उत्पादनमा केन्द्रित हुने दाबी गर्नुभयो।whatsapp-image-2020-03-14-at-11-40-43-am

यस्तै सप्तकोशी नगरपालिकाका नेकपा नगर कमिटि अध्यक्ष पारस दाहालले समाजमा नकरात्मकताको वर्चस्व रहेको भन्दै हरेक दृष्टिकोणबाट सजग हँुदै क्लबले पारदर्शीता प्रदर्शन गरेको बताउनुभयो। यस्तै पत्रकार तथा खेलप्रेमी खगेन्द्र कार्कीले बिगतमा उचित नेतृत्वको अभावले नगरको खेल विकास हुन नसकेको भन्दै हालको नेतृत्वको प्रशंसा गर्नुभयो।

क्लबका सल्लाहकार तथा राजनीतिज्ञ सन्तोष खतिवडाले लोकतन्त्रको आधारभूत शर्तलाई क्लबले अनुसरण गर्दै जवाफदेही रुपमा लोकतन्त्रको सुन्दर पक्षलाई प्रस्तुत गरेको बताउनुभयो। यस्तै क्लबका उपाध्यक्ष दिपक खड्काले क्लबको कार्यालय सञ्चालनमा सबैपक्षबाट सहयोगको अपेक्षा रहेको बताउनुभयो।

सार्वजनिक सुनुवाइ कार्यक्रमसँगै सप्तकोशी नगरपालिकाले कोरोना भाइरस बिरुद्धको चेतनामुलक कार्यक्रम राखेको थियो। कार्यक्रममा कोरोना भाइसरका लक्षण तथा यसबाट बच्ने उपायहरु उल्लेख गरिएको पर्चा बितरण गरिएको थियो भने जनचेतना मुलक पोष्टरको प्रदर्शन गरिएको थियो । कार्यक्रमका सहभागिहरुले कोरोना भाइरसबिरुद्ध वच्ने उपायहरुलाई प्रयोगात्मक रुपमा प्रस्तुत गर्न, लाउड स्पिकर तथा घरदैलो कार्यक्रम मार्फत जनचेतना फैलाउन सुझाव दिएका थिए।20200314_090456koronaswhatsapp-image-2020-03-14-at-12-03-20-pm

Facebooktwittergoogle_plusredditpinterestlinkedinmail
विराट खबर
विराटखबर.कम मोफसलको लोकप्रिय अनलाईन पत्रिका हो ।
https://biratkhabar.com

Leave a Reply

Your email address will not be published. Required fields are marked *