बिर्तामोड। झापाको कनकाई नगरपालिकामा नेपाल विद्युत प्राधिकरणको सवस्टेशन निर्माण कार्य आइतबारबाट सुरु भएको छ ।

कन्काइ नगरपालीका–८ स्थित घैलाडुब्बामा आठ करोड रुपैयााको लागतमा नेपाल विद्युत प्राधिकरणको ३३/११ केभीएको सवस्टेशन निर्माण कार्य आइतबारबाट सुरु भएको हो । नेपाल विद्युत प्राधिकरण, आयोजना व्यवस्थापना निर्देशनालय वितरण प्रणाली सुदृढीकरण तथा विस्तार आयोजना अन्तर्गत एसियाली विकास बैंको ऋण सहयोगमा बन्न लागेको सवस्टेशनको शिलान्यास ऊर्जामन्त्री जनार्दन शर्मा र नेपाल विद्युत प्राधिकरणका प्रमुख कार्यकारी निर्देशक कुलमान घिसिङले संयुक्त रुपमा गर्नुभयो । २०७५ सालको भाद्र महिना भित्रै काम सम्पन्न गर्ने गरी सबस्टेशनको निर्माण कार्य प्रारम्भ भएको बताइएको छ।