काठमाडौं । सुर्खेतको इलाका प्रहरी कार्यालय बाबियाचौरका इन्सपेक्टर सुशोभन श्रेष्ठ र जवान तिलक लामिछाने सेवाग्राहीसँग घुस लिएर भाग्दाभाग्दै पक्राउ परेका छन् । अख्तियार दुरुपयोग अनुसन्धान आयोगको कार्यालय सुर्खेतको टोलीले उनरुलाई १५ हजार घुससहित पक्राउ गरेको हो ।

आयोगका अनुसार इन्सपेक्टर श्रेष्ठ र प्रहरी जवान लामिछानेले वडा नं. २ को सालकोट प्रहरी चौकीमा सेवाग्राहीबाट घुस लिँदै गरेको अवस्थामा उनीहरुलाई पक्राउ गरिएको हो ।

अख्तियार कार्यालय सुर्खेतका निमित्त प्रमुख जंगबहादुर डाँगीका अनुसार इन्सपेक्टर श्रेष्ठले सुन चाँदी पसल चोरीको अभियोगमा पक्राउ परेका चोरलाई छोडिदिने सर्तमा सेवाग्राहीबाट घुस लिएका थिए ।