उदयपुर बेलका नगरपालिकाको सेतीखोलाबाट रामपुर बजार आउने क्रममा आज आईतबार विहान भएको मोटरसाईकल दुर्घटनामा एक जनाको मृत्यु भएको छ । मोटरसाईकलमा सुनसरी जिल्ला बराहक्षेत्र नगरपालिका वार्ड न ६ निवासी बर्ष ४५ को शैलेश माझी र बर्ष १७ का जितेन राई सवार थिए। नदाहा, चतरा, कोशीपुल रुपनगर सडक खण्डको खारखोलमा मोटरसाईकल अनियन्त्रित भई हुँदा चालक शैलेश माझीको मृत्यु भएको हो ।
माझीको टाउकोमा गहिरो चोट लागेकोमा उपचारको क्रममा धरान स्थित विपी कोईराला स्वास्थ्य विज्ञान प्रतिष्ठानमा मृत्यु भएको ईलाका प्रहरी कार्यालय रामपुर ठोक्सिलाले जनाएको छ । माझीसगै सवार जितेन राई गम्भिर घाईते भएका छन । घाईते राईको विपीमै उपचार भईरहेको ईलाका प्रहरी कार्यालयका प्रहरी निरिक्षक नविन सिंहले बताए । दुर्घटनामा परेको मोटरसाईकल प्रहरी नियन्त्रणमा रहेको जनाएको छ ।