पथरी /
वडाको दवावका कारण ३ जना सामुदायीक विद्यालयका शिक्षकले जागिर छोडेका छन । शिक्षक माथी राजनितीहुन थाले पछि दुई शिक्षकले राजिनामा दिएका छन भने एक शिक्षकलाई विद्यालयले हटाएको छ । गणतन्त्र पछि गाँउ गाँउमा आएको सिंहदरवारका ५ बर्षे राजाले राजतन्त्रको झल्को दिएको स्थानीयले महसुस गर्न थालेका छन । वडा र ब्यावस्थापन समितिले विनाकारण काम गरिरहेका शिक्षकलाई निकालेर नयाँ शिक्षक भर्ति गर्न लगेको हो । वडा कार्यलय र ब्यावस्थापन समिति र विद्यालयको यो हर्कतले जग हसाएको छ । शैक्षिक सत्रको विचमा शिक्षक निकाल्नु र नयाँ शिक्षक हाल्न खोज्ने कार्यप्रति अभिभावकले समेत वडा कार्यलय र ब्यावस्थापन समिति र विद्यालय माथी शंका गर्न थालेको छन । सबैको मिलेमहत्वमा आफ्ना मान्छे नियुत्ती गर्न खोजेको हो की भन्ने बसैले शंका गर्न थालेका छन ।
यो सबै प्रकृया मात्र दुई दिन भित्र गरेको देखिन्छ । विद्यालयमा कार्यरत शिक्षकहरुलाई निकालेर सोहि दिन विद्यालयले नयाँ शिक्षक आवश्यकता सुचना समेत जारि गरेको छ । घटना मोरङको पथरी शनिश्चरे वडा नं. ८ मा रहेको बुद्ध माविमा कार्यरत सर्मिला गौतम, मनिशा बानिया र रस्मिका नेम्बाङ शिक्षकहरुको हो । शिक्षक सर्मिला गौतमलाई विद्यालयले हटाएको हो भने मनिशा बानिया र रस्मिका नेम्बाङलाई राजिनामा दिन बाध्य बनाएको हो । उनिहरुले निजी विद्यालयमा छोराछोरी पढाएको भन्दै उनिहरुलाई पथरी शनिश्चरे वडा नं. ८ र विद्यालयले राजिनामा दिन बाध्य बनाएको बताएका छन । विना कारण शिक्षक हटाउदा समेत महिनै शिक्षक आन्दोलनमा काठमाडौ धाएका शिक्षक संगठन यो विषयमा मैन रहेको देखिन्छ । वडा कार्यलयले वडा भित्रका सामुदायीक विद्यालयमा करारमा कार्यरत शिक्षकले आफ्ना बच्चाहरु अनिवार्य सामुदायीक विद्यालयमा लगाउन बाध्य गरेपछि जागिर छोड्न बाध्य भएको शिक्षकहरुको भनाई छ । शिक्षक सर्मिला गौतमलाई असार ३१ गते अस्थायी करार थप नगर्ने भन्दै हटाएको छ भने सोहि दिन विद्यालयले शिक्षक आवश्यकता सुचना जारि गरेको छ । शिक्षक मनिशा बानिया र रस्मिका नेम्बाङले भने विद्यालय र वडाको दैनिक टचरका कारण राजिनामा दिएको बताए । “हाम्रो छोरा छोरी निजी विद्यालयमा अध्यायन गरेको भरमा हामीलाई तनाव दिए पछि जागिर छोडेको” शिक्षक रस्मिका नेम्बाङले बताइन । यो सबै राजनीतीक खेल हो, आफ्ना मान्छे हाल्न हामी माथी राजनीती गरिएको हो, हामी एमाले भएर खुल्न सकेनौ शिक्षक मनिशा बानियाले भनिन् । परिवारका सदस्यले र बच्चाले मानुन्जेली हामीले हामी कार्यरत विद्यालयमा पढाएकै हो । अहिले पनि सानो नानी हामी संगै छ शिक्षक बानिया बताउछीन । उनिहरु भन्छन “वडाध्यक्ष नविन कार्की आए देखिनै हामीलाई हटाउन प्रयास भएको हो । हाम्रो शैक्षिक शिकाइमा कहि कम्जोरी नभेटे पछि छोरा छोरीको विषय ल्याएर हटाइएको हो रात दिनको तनाव लिएर विद्यालयमा पढाउन ग्राहो भएकाले जागिर छोडेका हौं” । बालबालिकाको पढाइमा बालबालिकाको मौलिक हक रहेको उच्च अदालतले फैसला गरेको छ । अदालतले बालबालिकाले कहाँ पढेने के पढ्ने, र कहाँ पायक पर्छ त्यो बाध्यकारी नहुने बताएको छ । सोहि विद्यालयमा कार्यरत अन्य शिक्षक र ब्यावस्थापन समिति र शिक्षक अभिभावक संघका पदाधीकारीले भने आफ्ना नानीहरु निजी विद्यालयमा पढाउदै आएका छन । तर वडाकार्यलय र विद्यालय छानी छानी शिक्षक माथी राजनीतीक प्रहार सुरु गर्न थालेको छ । तिन शिक्षक बाहेक अन्य शिक्षकमा यो नियम लागु नहुदा वडाध्यक्ष, ब्यावस्थावन समिति, र प्रअले आफ्ना मान्छे नियुत्ती गर्न खोजेका हुनकी भन्ने स्थानीयले शंका गर्न थालेका छन । एक बर्ष अघि पथरी शनिश्चरेको एक विद्यालयले शिक्षक माथी आक्रमण गर्दा एस ई ई को रिजल्ट खस्कीएको थियो । वडाध्यक्ष र विद्यालयको यो कार्यले शिक्षण शिकाईमा बालबालीकामा ठुलो असर पर्ने शिक्षा युवा तथा खेलकुद शाखा अधिकृत नविन खुल्ला बुढाथोकीले बताए । शैक्षिक सत्रको विचमा र अदालतले समेत निर्णय गरेको र विद्यार्थीको भविष्य जोडिएको विषयमा अहिले तत्काल यो कदम चाल्न नहुने बताउनु भयो । यता वडा नं. ८ का वडाध्यक्ष थता नगर प्रबक्ता नविन कार्कीले भने वडाले तलव दिएका सबै विद्यालयलाई पत्र काटेको तर वडाले राजिनामा दिन बाध्य नबनाएको बताएका छन । यस्मा कुनै राजनिती नभएको र चाडै अन्य शिक्षक र समितिमा पनि यि विषय लागु हुने वडाध्यक्ष कार्कीले बताए । उत्त विषयमा विद्यालयका प्रअ बोधराज सिक्देल लाई सम्पर्क गर्न खोज्दा सम्पर्क हुन सकेन ।